‘नेपाल अन्तरिक्ष युगमा प्रवेश’, प्रधानमन्त्रीद्वारा वैज्ञानिक समुहलाई बधाई
काठमाडौं : प्रधानमन्त्री केपी ओलीले नेपाल अन्तरिक्ष युगमा प्रवेश गरेको बताएका छन् । प्रधानमन्त्री ओलीले मुलुकको श्रीबृद्धिका लागि कटिबद्ध वैज्ञानिकहरुको समुहलाई धन्यवाद दिएका छन् ।
प्रधानमन्त्रीले आफ्नै स्याटलाइट अन्तरिक्षमा पठाइएपछि सफल परीक्षणको शुभकामना समेत व्यक्त गरेका छन् । प्रधानमन्त्री ओलीले बिहीबार बिहान ट्वीट गर्दै स्याटलाइट निर्माणले नेपालको प्रतिष्ठा बढेको बताएका थिएृ । सानै आकारको भए पनि नेपाली भूउपग्रह अन्तरीक्षमा पठाइएपछि विश्वभर छरिएका नेपालीहरूले खुसी व्यक्त गर्दै सामाजिक सञ्जालमा आफ्ना धारणाहरु राखिरहेका छन् ।
बिहीबार बिहान साढे २ बजे अमेरिकाको भर्जिनियाबाट नेपालको भूउपग्रह ‘नेपालीस्याट-१’ अन्तरिक्षमा प्रक्षेपण गरिएको छ । यसको तौल झण्डै एक किलोग्राम छ । नेपाली भूउपग्रहलाई एन्टारेस नामक वायुयानभित्र रहने सिग्नस कार्गो विमानमा राखेर अन्तरिक्षमा पठाइएको छ । नेपाली भूउपग्रह निर्माणमा जापानस्थित नेपाली वैज्ञानिक आभाष मास्केलगायत संलग्न छन् ।
आज बिहान २:३१ बजे नेपालको पहिलो भूउपग्रह ‘नेपाली स्याट-१‘ प्रक्षेपण भएको छ। यो संगै नेपाल पनि सेटलाईट प्रक्षेपण गर्ने मुलुकहरूको सुचिमा जोडिएको छ। यसको निर्माणदेखि प्रक्षेपणसम्म, मुलुकको श्रीबृद्धिमा संलग्न सबै वैज्ञानिक तथा नास्ट सहितका सबै निकायहरूलाई बधाई ज्ञापन गर्दछु।
— K P Sharma Oli (@kpsharmaoli) April 18, 2019
