Logo
|| April 12, 2019

‘सामाजिक उत्तरदायित्वका लागि पत्रकारिता’

कलिङ भिसामार्फत ६४ जनाले लिए मलेसियाका लागि श्रम स्वीकृति

काठमाडौं : श्रम, रोजगार तथा सामाजिक सुरक्षा मन्त्रालयले कलिङ भिसामार्फत मलेशिया जाने कामदारका श्रम स्वीकृति खुला गरेपछि ४ दिनमा ६४ ले श्रम कार्यालय ताहाचलबाट स्वीकृति लिएका छन् । सरकारले यही चैत १७ गतेदेखि खुला गरेपनि कार्यालयले भने २५ गतेबाट श्रम स्वीकृति दिन थालेको कार्यालयका महानिर्देशक देवेन्द्र कार्कीले जानकारी दिए।

‘सरकारले खुला गरेपछि मलेशिया जाने नेपाली कामदारलाई केही राहत मिलेको छ’, उनले भने।  सरकारले जेठदेखि मलेशिया जाने कामदारलाई श्रम स्वीकृति दिन रोक लगाए पनि कामदार भने जान नछाडेको उनी बताउछन्। मलेशियाबाट ७ हजार ५०० ले कलिङ भिसा पाइसकेका छन्।

भिसा पाएका सम्पूर्ण कामदारलाई नियमितरूपमा श्रम स्वीकृति दिइने उनले जानकारी दिए। श्रम कार्यालय ताहाचलले १७ गते नै कामदार पठाउन अनुमति पाएको भए पनि २५ गतेबाट मात्र श्रम स्वीकृति दिन शुरु गरेको थियो। जसमध्ये पहिलो दिन २५ गते दुईले श्रम स्वीकृति लिएका थिए। त्यस्तै २६ गते १७, २७ गते सात र २८ गते ३८ जनाले श्रम स्वीकृति लिइसकेका छन्।

प्रकाशित मिति: २९ चैत्र २०७५, शुक्रबार १२:३९

प्रतिक्रिया दिनुहोस्