पाकिस्तानी सेनाले नियन्त्रणमा लिएको भारतीय लडाकु विमानका पाईलटको तस्बिर भाईरल
बुधवार पाकिस्तानी सेनाले नियन्त्रणमा लिएको भारतीय लडाकु विमानका पाईलटको तस्बिर र भिडियो भाईरल बनेको छ । यद्यपी भारतीय पक्षले भने यसबारे केहि बोलेको छैन ।
भारतका बिदेश मन्त्रालयका प्रवक्ता रवीश कुमारले भने पत्रकार सम्मेलन गर्दे पाकिस्तानी सेनाले भारतमा हमला गरेको पुष्टी गरे । उनले पाकिस्तानी विमानलाई पनि खसालेको दाबी गर्दे उनले भारतीय विमानको पाईलट हराईरहेको पुष्टी गरे ।
उनले भने ‘र्दुभाग्यबस यस मिसनमा हाम्रो विमान पनि खसालिएको छ र पाईटल हराईरहेका छन् । पाकिस्तानले हाम्रो पाईलटलाई नियन्त्रणमा लिएको दाबी गरेको छ र यसमा हामी अनुसन्धान गरिरहेका छौँ ।’
सामाजिक सञ्जालमा पनि पाकिस्तानले भारतीय विमानलाई खसालेपछि एक जनाको मृत्यु भएको र अर्का पाईलटलाई जीवितै उद्धार गरी नियन्त्रणमा लिएको तस्बिर तथा भिडियो भाईरल बनिरहेको छ ।
अभिनन्दन नाम गरेका ती भारतीय विमानका पाईलटको आँखामा पट्टी बाँधेर लगिएको देखाईएको छ । उनको यतिबेला उपचारका लागि अस्पताल लगिएको पनि बीबीसीले जनाएको छ ।