पाकिस्तानमाथी भारतको अघोषित प्रतिबन्ध : २०० प्रतिशत कर लगाउने निर्णय
भारतले पाकिस्तानबाट आयत हुने सामग्रीमा लाग्दै आएको आयत शूल्क २०० प्रतिशत बनाएको छ । भारत प्रशासित जम्मू-कश्मीरको पलुवामा जिल्लामा भएको चरमपन्थी आक्रमणमा सिआरपिएफका ४६ जवानको निधन भएपछि भारत र पाकिस्तानका सम्बन्धमा थप दरार आएको छ ।
भारतले आक्रमणमा पाकिस्तानको सीधा संलग्नता रहेको आरोप लगाएको छ । पाकिस्तानले इस्लामावाद स्थित भारतीय कुटनीतिज्ञलाई बोलाएर भारतले लगाएको आरोप निराधार रहेको भन्दै विरोध पत्र थमाएको छ ।
घटना लगत्तै पाकिस्तानलाई मोस्ट फेवर्ड नेशन्सको दर्जाबाट हटाएको भारतले शनिबार पाकिस्तानबाट आयत हुने सामानमा लाग्दै आएको कर तत्काल लागु हुने गरी २०० प्रतिशतले बनाउने निर्णय गरेको हो ।
वित्त मन्त्री (अर्थमन्त्री) अरुण जेट्लीले तत्काल लागु हुने गरी पाकिस्तानबाट भारत आयत हुने सबै सामानमा लाग्दै आएको कर बढाउने निर्णय भएको जानकारी दिएका हुन् ।
