Logo
|| February 7, 2019

‘सामाजिक उत्तरदायित्वका लागि पत्रकारिता’

युवाको जोस-जाँगरलाई देश निर्माणमा लगाउने, स्वदेशमा काम गर्न लाज मान्ने प्रवृत्ति हटाउन आवश्यक

हेटौँडा : राष्ट्रिय युवा परिषद्को आयोजनामा प्रदेश ३ का युवा उद्यमी तथा युवाका लागि परामर्शसम्बन्धी अन्तरक्रिया कार्यक्रम हेटौँडामा शुरु भएको छ । दुई दिनसम्म चल्ने अन्तरक्रिया कार्यक्रमको प्रदेश ३ का मुख्यमन्त्री डोरमणि पौडेलले उद्घाटन गर्दै युवाको जोस र जाँगरलाई देश निर्माणमा लगाउनेबताए ।

उनले राष्ट्रलाई सफलताको गन्तव्यमा पुर्याउन युवा शक्तिले पहल गर्नुपर्ने विचार राखे । स्वदेशमा बसेर काम गर्न लाज वा धक मान्ने प्रवृत्ति हटाउनुपर्ने भन्दै मुख्यमन्त्री पौडेलले विदेशमा जस्तोसुकै काम गर्ने तर आफ्नो देशमा कृषिमा काम गर्न लजाउने प्रवृत्ति त्याग्नुपर्ने बताए ।

कार्यक्रममा अर्थ मामिला तथा योजनामन्त्री कैलाश ढुङ्गेलले युवाले भान्सादेखि दैनिक जीवनमा आइपर्ने हरेक कार्य गर्न आफूलाई सक्षम बनाउनुपर्ने धारणा राखे । कार्यक्रममा प्रदेशका १३ वटै जिल्लाका युवा उद्यमी सहभागी रहने युवा परिषद् मकवानपुरका अध्यक्ष सन्तोष चौलागाईंले जानकारी दिए ।

प्रकाशित मिति: २४ माघ २०७५, बिहीबार १६:४६

प्रतिक्रिया दिनुहोस्