बच्चाहरुले पूजा गरिरहेको तस्बिरमा ट्रोल भएपछि फराह खानले दिइन् यस्तो कडा जवाफ
बलिउडकी चर्चित फिल्मनिर्माता एवं कोरियोग्राफर फराह खानको तस्बिरबारे सोसल मिडियामा बबाल मच्चिएको छ । फराहले नयाँ वर्षको उपलक्ष्यमा आफ्ना बच्चाहरुको पूजा गरिरहेको थस्बिर पोष्ट गरेर शुभकामना दिइन् ।
यो हेरेर केही मानिसहरुको भावनामा ठेस लाग्यो ।फराहले इन्स्टाग्राममा तस्बिर पोष्ट गर्दै लेखिन्, ‘प्रार्थनाको शक्तिलाई कहिले पनि कम नसोच्नुहोस् । ह्याप्पी न्यू इयर ।’
तस्बिरमा फराह खानका तीन बच्चाले पूजा गरिरहेको देखिएका छन् । यो तस्बिर हेरेर उनलाई थुप्रैले विभिन्न सल्लाह दिए ।
कसैले उनलाई खान थर हटाउन भने त कतिले उनलाई आफ्नो धर्मबाट भट्किएको आरोप पनि लगाए ।
स्मरण रहोस्, फराह खान हरेक धर्मको उत्सव निकै धुमधामका साथ मनाउँछिन् । यतिमात्र होइन, शाहरुख खान, सलमान खानजस्ता ठूला स्टार पनि ईदसहित होली, दिवाली र क्रिसमसलगायतका पर्व धुमधामका साथ मनाउँछन् ।
तर जब फराहले तस्बिर पोष्ट गरिन् तब मानिसहरुले सहन सकिनन् र उनलाई ट्रोल गर्न थालियो । ट्रोलिङबारे एक समाचार च्यानलसँगको कुराकानीमा फराहले आलोचकलाई निकै कडा जवाफ दिइन् ।
उनले भनिन्, ‘यो प्रश्न सोध्नेहरुको समस्या हो । यो सन् २०१९ को कुरा हो, यस्ता कुराबारे कुरा गर्ने समय अब छैन ।’ आफ्नो बच्चाको कस्तो तस्बिर पोष्ट गर्ने यो उनको निर्णय भएको उनले बताएकी छिन् ।
