क्यानडामा अन्तिम सांस लिए अभिनेता कादर खान, उनको पार्थिव शरिरलाई भारत नल्याइने
बलिउडका वरिष्ठ अभिनेता कादर खानको निधन भएको छ । अभिनेता खानको क्यानडाको एक अस्पतालमा उपचारको क्रममा निधन भएको हो ।
खानका छोरा सरफराज खानले निधनको पुष्टि गरेका हुन् । उनले भनेका छन्, ‘हाम्रा पिता अब हामी माझ रहनु भएन ।’ ८१ वर्षका कादर खान अभिनेतासँगै संवाद लेखक पनि हुन् ।
उनको स्वास्थ्य केही दिनदेखि गम्भीर बनेको थियो । सामाजिक सञ्जालमा उनको निधन भएका खबर पनि आएका थिए । सन् १९८० र ९० को दशकमा कादर खानले गोविन्दा र अनिल कपूरसँग धेरै चलचित्रमा काम गरेका थिए ।
उनले सन् १९७३ मा राजेश खन्नाको चलचित्र दागबाट बलिउडमा डेब्यु गरेका थिए । खानले ३०० भन्दा बढी चलचित्रमा काम गरेका छन् ।उनका परिवार सहित केहि वर्षदेखि क्यानडामै रहँदै आएका छन् ।
खानसँग क्यानडाको नागरिक्ता समेत रहेको थियो । फिल्मी दुनियाँबाट अवकास लिएपछि उनी पछिल्लो केहि वर्षदेखि क्यानडा नै बस्दै आएका थिए । उनको अन्तिम संस्कार क्यानडामै गरिने भातीय संचारमाध्यमहरुले जनाएका छन् ।
