सरकारले उपचारमा भेदभाव गरेपछि एसिड पिडित सम्झना दासको मृत्यु
एसिड प्रहारबाट गम्भीर घाइते भएकी रौटहटकी दिदी बहिनी मध्ये एक जनाको मृत्यु भएको छ । किर्तिपुर अस्पतालमा उपचारकै क्रममा गए राती सम्झना दासको मृत्यु भएको हो । बहिनी सुस्मिता दासको गम्भीर अवस्थामा उपचार अझै जारी रहेको छ ।
केही दिन अगाडि रौतहटको चन्द्रपुर नगरपालिका जादोलाल दासका छोरी १६ वर्षीया सम्झना दास र १३ वर्षीया सुस्मिता दास सुतीरहेको बेला २६ भदौ राती एसिड प्रहार भएको थियो ।
कीर्तिपुर अस्पतालमा उपचाररत दासको गएराति ११ बजे मृत्यु भएको हो । सुस्मिताको अहिले कीर्तिपुर अस्पतालमा नै उपचार भइरहेको छ ।
सम्झनाका बुबा जादोलाल दास एसिड आक्रमण गर्नेलाई फाँसीको सजाए हुनुपर्नेमाग गरेका छन् । ‘मेरो परिवार तहसनहस पारिदियो उसलाई फाँसीको सजाय हुनुपर्छ । नत्र अपराधीले कसरी थाहा पाउँछ चोट के हो भनेर ।’
एसिड आक्रणमा पर्दा पनि सरकारले केही सहयोग नगरेको बुबा जादोलाल बताउँछन् । पहिला-पहिला यस्तो घटना घट्न नपाउँदै सरकारले सहयोग गर्ने घोषणा गरे पनि अहिलेको घटनामा वास्ता नगरेको उनको गुनासो छ ।
उनले भने ‘कोही पहाडीहरुमाथी यस्तो घट्ना भयो भने सरकार तुरन्त हर्कतमा आउँछन् तर हामि मधेशी भकैकारण सरकारले कुनै चासो लिएन ।’ उनी भन्छन् ‘उनीहरू काठमाडौँका थिए, हामी मधेसका ।
सरकारले हामीलाई नागरिक नै सम्झेन । पहिले घटना हुनासाथ सरकारले सहयोगको घोषणा गरेको थियो । यसपालि भएन । बिरामी लिएर अस्पताल बसेको मान्छे के प्रकिया गर्न सक्थेँ । त्यसमाथि पढाई लेखाई नभएको मान्छे ।’
चार वर्षअघि वसन्तपुरमा भएको चर्चित एसिड काण्डमा सीमा बस्नेत र संगीता मगरलाई सरकारले जीवनभर उपचार शिक्षा निःशुल्क गर्ने घोषणा गरेको थियो । एसिड आक्रमण गर्ने रामबाबु पासवानलाई प्रहरीले प्रकाउ गरिसकेको छ ।
उनी जादोलालका छिमेकी थिए । यौन प्रस्ताव नमान्दा एसिड आक्रमण गरो सम्झनाले बयानमा भनेकी थिइन् ।
त्यस्तै, प्रदेश २ का सांसद उपेन्द्र महतोले पनि सरकारको बिभेदकारी निती र नस्लिय भेदभावले सम्झनाको ज्यान गएको आरोप लगाएका छन् । उनले आफनो फेसबुकमा लेख्दै सरकारले दिदी बहिनीको उपचारमा सहयोग नगरेको आरोप लगाएका छन् ।
प्रधानमन्त्री कार्यालयमा पिडीत पक्षले पुगेर घटना सम्बन्धी र सहयोगको लागी पत्र दर्ता गराएको हप्तौं बितिसक्दा पनि संघिय सरकारले कुनै चासो लिएको छैन ।प्रदेश २ को सरकार तर्फबाट शनिवार मात्रा अस्पताल मन्त्री रामनरेश रायले स्वास्थ्य अवस्था बुझी प्रदेश सरकारले हाललाई ५०-५० हज़ार सहयोग प्रदान गरेका थिए ।
त्यससैगरी समाजेवी उज्वल थापालेले पनि त्यस्तै आरोप लगाएका छन् । उनले फेसबुकमा लेखेका छन् -‘नेपाल सरकारले असहयोग गरेर जित्यो । ACID आक्रमणमा परेकी रौतहटकि चेली सम्झना दास को हार भयो। अलबिदा सम्झना। तिमिलाई बचाउन सकिएन । तिम्रो आत्मालाई शान्ति मिलोस् ।’