कुशेऔशीका दिन नुहाउने क्रममा बागमती नदीमा बेपत्ता युवककाे शव फेला
काठमाडाैं : कुशेऔशीका दिन नुहाउने क्रममा बागमती नदीमा बेपत्ता भएका सबिन तामाङकाे शव अाज निकालिएकाे छ । गत आइतबार गोकर्णेस्वर स्थित बागमती नदीमा बेपत्ता भएका सिन्धुपाल्चोकका २३ वर्षीय सबिन तामाङको शव आज सेनाले बागमती नदीबाट निकालेको हाे ।
सेनाको विशेष उद्वार टोलीले आज बिहान सात बजे शव बाहिर निकालेको महानगरीय प्रहरी प्रभाग गोकर्णेश्वरका सई अर्जुन गिरीले बताए । कुशेऔशी मेलाको दिन सबिन बागमतीमा नुहाउने क्रममा बेपत्ता भएका थिए । उनी गोकर्णेश्वर नगरपालिका ९ मा बस्दै अाएका थिए ।
