जमिनमा चिरा परेर फाटेपछि काठमाडौंमा ४ घर भत्किए, १४ घर धरापमा
काठमाडौं : काठमाण्डौ स्थित बूढानिलकण्ठ नगरपालिकामा जमिन फाटेर चार घर भत्किएका छन् । बिष्णुमती टुसालमा शुक्रबार जमिन फाटेपछि चार घर भत्किएका हुन् । थप १४ घरसमेत धरापमा परेका छन् । यसकारण १४ परिवार विस्थापित भएको प्रहरीले जनाएको छ ।
घर भत्किएका र विस्थापित परिवारलाई सुरक्षित स्थानमा सारिएको छ । जमिनमा चिरा परेर फाटेपछि चित्रबहादुर बस्नेत, राधिका धिताल, बीरबहादुर तामाङ र सुशीला बस्नेतको घर भत्किएको हो ।
चिरा परेको ठाउँमा पहिले डाँडो थियो । खारेर प्लटिङ गरेको हुनाले जमिन चिरा परी फाटेको हुन सक्ने भूगर्भविदले अनुमान गरेका छन् भन्दै कान्तिपुरमा समाचार छ ।
