२४ घन्टामा लगातार वर्षा भएपछि आएको पहिरोमा परी २६ जनाको मृत्यु
एजेन्सी : भारतको केरल राज्यमा विगत २४ घन्टामा लगातार वर्षा भएपछि आएको पहिरोमा परी २६ जनाको मृत्यु भएको छ । तीमध्ये ११ जना इडुक्की जिल्लाका हुन् । दुईजनालाई पहिरोबाट जिउँदै निकालिएको छ ।
मौसम विभागले आगामी तीन दिनसम्म २१ राज्यमा भारी बर्खा हुने चेतावनी शुक्रवार जारी गरेको छ । केरलमा बाढीले पनि तबाही मच्चाएको छ । नदीमा जलस्तर बढेको छ । विभिन्न भागमा कम्तीमा २४ बाँध खोलिएको छ ।
इडुकी जिल्लाको देवकीकुलममा बाढीको पानीसँगै माटो झर्दा एक परिवारका पाँच सदस्यसहित ११ मानिस जिउँदै पुरिए । दुर्घटनामा दुई बेपत्ता र नौ घाइते भएका छन् । विगत २४ घन्टामा इडुकी जिल्लामा १४४.७७ मिलिमिटर बर्खा भएको छ र जिल्लाको पहाडी क्षेत्रमा ७८ ठाउामा पहिरो गएको छ ।