करिब ९ घण्टाको वार्तासंगै सरकार र डा. केसीबीच सहमति, २७ दिनपछि अनशन तोडियो
काठमाडौँ : बिहिवार लगभग दिनभर भएको छलफलससंगै सरकारसँग सहमतिपछि डा. गोविन्द केसीले २७ दिनदेखिको अनशन तोडेका छन् ।
यसअघि बुधबारको अनौपचारिक वार्ता र बिहीबारको करिब ९ घण्टाको घमासान वार्ता सहमतिमा पुगेपछि डा. केसीले अनशन तोडेका हुन् । डा. केसीलाई नेकपाका नेता सुवास नेम्वाङ र प्रा.केदारभक्त माथेमाले संयुक्त रुपमा जुस खुवाएका हुन् ।
वार्तापछि तयार पारिएको सहमति पत्रमा सरकारी पक्ष र डा.केसी स्वंयले हस्ताक्षर गरेका छन् ।
