निशस्त्रीकरणको काम छिट्टै सम्पन्न हुने अपेक्षा छ : अमेरिकी विदेशमन्त्री

Spread the love
  • 2
    Shares


सोल : अमेरिकी विदेशमन्त्री माइक पम्पेओले उत्तर कोरियाले निशस्त्रीकरणको काम छिट्टै सम्पन्न गर्ने अपेक्षा अमेरिकाले गरेको जानकारी दिएका छन् । बिहीबार दक्षिण कोरियाको राजधानी सोल पुगेका विदेशमन्त्री पम्पेओले भने, यो कुरा दक्षिण कोरियाली नेता किम जोङ उनलाई पनि थाहा छ, यो काम जतिसक्दो चाँडै हुनेछ ।

अमेरिका पनि उत्तर कोरियाली नेता किमजस्तै निशस्त्रीकरणप्रति प्रतिबद्ध रहेको धारणा पनि उनले राखेका छन् । उनले सिङ्गापुर शिखर वार्ताको पहिलो र महत्वपूर्ण कार्य नै यही भएकोले यसमा उत्तर कोरियाको प्रतिबद्धता हाम्रो चासो हो । गत मङ्गलबार सिङ्गापुरमा भएको अमेरिकी राष्ट्रपति डोनाल्ड ट्रम्प र उत्तर कोरियाली नेता किमबीचको ऐतिहासिक सम्झौतामा उत्तर कोरियाले निशस्त्रीकरण गर्ने जनाएको छ ।

Facebook By Weblizar Powered By Weblizar

उत्तर कोरियाले आफ्नो उक्त प्रतिबद्धतालाई चाँडै कार्यान्वयन गर्ने क्रममा रहेको बताएको छ । सोही बमोजिम नै प्रतिबद्धता पूरा होस् भन्नेमा आफू पनि रहेको अमेरिकाले जनाएको हो । हामी चाहन्छौँ उत्तर कोरियाले गरेको सिङ्गापुर प्रतिबद्धताजस्तै आगामी केही दिनमा नै निशस्त्रीकरणका लागि प्रक्रिया थालोस् र पूरा गरोस्– विदेशमन्त्री पम्पेओले भने । हामीलाई विश्वास छ नेता किमले यो आवश्यकतालाई बुझेका छन् र त्यसैबमोजिम चाँडै गर्ने छ– सोलमा बिहीबार मन्त्री पम्पे ओले भने ।

विदेशमन्त्री पम्पेओ गत जुन १२ को उक्त ऐतिहासिक शिखर वार्ताको बारेका जानकारी दिन दक्षिण कोरिया पुगेका छन् । उनले यसबारेमा दक्षिण कोरियासँग आवश्यक छलफल गर्ने छ । सोलमा जापान र दक्षिण कोरियाका विदेशमन्त्रीसँग भेटवार्तापछि बिहीबार संयुक्त पत्रकार सम्मेलनको आयोजनागरिएको थियो । सो पत्रकार सम्मेलमा अमेरिकी विदेशमन्त्री पम्पेओ, दक्षिण कोरियाली विदेशमन्त्री काङ क्याङ ह्वा र जापानी विदेशमन्त्री तारो कोनो छन् । उनीहरुले गत मङ्गलबार सम्पन्न भएको विश्व चर्चित सिङ्गापुर वार्ताको बारेमा कुराकानी गरेका थिए । त्यस विषयमा उनीहरुले आगामी दिनमा उत्तर कोरियाली जतिसक्दो चाँडो निशस्त्रीकरणको काम पूरा गर्नुपर्ने बताएको समाचारमा जनाइएको छ ।

संयुक्त राष्ट्रसंघ पनि आशावादी

यसैबीच प्राप्त अर्को एक समाचारअनुसार संयुक्त राष्ट्रसंघका महासचिव एन्टोनियो गुथ्रेसले पनि मङ्गलबार अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच भएको शिखर सम्मेलनबाट निशस्त्रीकरणमा आफू आशावादी भएको बताएका छन् । उनले उक्त शिखर वार्तामा उत्तर कोरियाले अघि सारेको प्रतिबद्धताबाट कोरियाली प्रायद्वीपलाई आणविक रूपमा निशस्त्रीकरण गर्न सघाउ पुग्ने विश्वास व्यक्त गरेका छन् ।

महासचिव गुथ्रेसले यो एक अति महत्वपूर्ण मौका भएकोले यस मौकाको सदुपयोग गर्न उत्तर कोरियालाई सुझाव दिँदै उसको आणविक कार्यक्रमलाई नष्ट गर्ने विषयमा संयुक्त राष्ट्रसंघको सहयोग रहने पनि बिहीबार बताएका छन् । विश्वमा दिगो शान्ति र पूर्ण तथा प्रमाणित रूपमा कोरियाली प्रायद्वीपलाई आणविक रूपमा निशस्त्रीकरण गर्न उत्तर कोरिया सशक्त रुपमा अघि बढ्दा यसले उसलाई र समग्र विश्वलाई नै सघाउ पुग्ने धारणा पनि एक विज्ञप्तिमार्फत राखेका छन् । (रासस)


Spread the love
  • 2
    Shares
नागरिक टाइम्सको ताजा अपडेट थाह पाउन तपाईं हामीसंग फेसबुक, ट्वीटरर मार्फत् पनि जोडिन सक्नुहुन्छ ।