उत्तर कोरियाका अधिकारीले अमेरिकी उपराष्ट्रपतिसँग भेटवार्ता गर्न अस्वीकार
अमेरिकी उपराष्ट्रपति माइक पेन्ससँग उत्तर कोरियाका अधिकारीले अन्तिम समयमा आएर भेटवार्ता गर्न अस्वीकार गरेका छन् । गएको हप्ता दक्षिण कोरियाको प्योङच्याङमा विन्टर ९शितकालीन० ओलम्पिक उद्घाटन कार्यक्रमका लागि गएका बेला उपराष्ट्रपति पेन्स र उत्तर कोरियाका नेता किम जोङ–उनकी बहिनी किम यो–जोङसहितका अधिकारीसँग भेट गर्ने तय भएको अमेरिकी अधिकारीले बताएका छन् ।
तर अन्तिम समयमा उत्तर कोरिया पछि हटेकाले भेटले मूर्त रुप नलिएको अमेरिकी अधिकारीको भनाई छ । ओलम्पिकको उद्घाटन कार्यक्रमको क्रममा अमेरिकी उपराष्ट्रपति पेन्सी र उत्तर कोरियाका पदाधिकारी आसपासमा बसेका थिए ।
तय भएको भेटका लागि उत्तर कोरिया अन्तिम समयमा आएर पछि नहटेको भएको यो राष्ट्रपति डोनाल्ड ट्रम्पका अधिकारी र उत्तर कोरियाका अधिकारीबिचको पहिलो भेट हुने थियो ।
