नेप्सेमा ३३ अंकको उच्च बृद्धि, एक अर्ब ९० करोडको कारोवार (तालिका–सहित)

२९ चैत्र २०७३, मंगलबार ००:००

काठमाडौं, २९ चैत । साताको तेस्रो कारोवार दिन मंगलबार नेप्से ३३ दसमलव ९८ अंकले बढेर १७ सय १० दसमलव २० अंकमा कायम रहेको छ । नेप्से सेन्सिटिभ पनि सात दसमलव ४१ अंकले बढेर तीन सय ७१ दसमलव आठ अंकमा कायम रहेको छ ।

कुुल एक सय ४४ कम्पनीहरुको ११ हजार तीन सय १६ वटा कारोवारमा ३१ लाख चार हजार ३६ कित्ता सेयर खरिद बिक्री भएकोमा एक अर्ब ९० करोड ७४ लाख तीन हजार तीन सय ८९ रुपेयाँको कारोवार भएको छ ।

आज आठ वटा समुहको कारोवार भएकोमा आठ वटै समुहको कारोवार बढेपछि नेप्से पुरै हरियो भएको छ । बाँणिज्य बैक समुहको सुचक ३७ दसमलव ४२ अंकले बढेर १६ सय तीन दसमलव ६९ अंकमा कायम रहेकोमा ७१ करोड ९६ लाख ९१ हजार रुपैयाँको कारोवार भएको छ ।

बीमा समुहको सुचक एक सय तीन दसमलव ३१ अंकले बढेर आठ हजार नौ सय ४६ दसमलव ७९ अंकमा कायम रहेकोमा ५४ करोड ४८ लाख ८४ हजार रुपैयाँको कारोवार भएको छ । बिकास बैंक समुहको सुुचक ५५ दसमलव नौ अंकले  बढेर १९ सय ४५ दसमलव ७२ अंकमा कायम रहेकोमा ४७ करोड ५४ लाख २२ हजार रुपैयाँको कारोवार भएको छ ।

जलबिद्युुत समुहको सुचक पनि आज १४ दसमलव ७७ अंकले बढेर दुुई हजार ६२ दसमलव ५३ अंकमा कायम रहेकोमा चार करोड ९४ लाख १३ हजार आठ सय रुपैयाँको कारोवार भएको छ ।

फाईनान्स, उत्पादनमुलक र अन्य समुहको सुचक पनि आज बढेको छ । आज बढी कमाउने कम्पनीको सुचीमा अपी पावर कम्पनी परेको छ भने गुुमाउने कम्पनीको सुचीमा खानीखोला हाईड्रो पावर कम्पनी परेको छ । रकम कारोवारका आधारमा भने आज एनसीसी बैक अग्रस्थानमा परेको छ ।

बढी कमाउने पाँच कम्पनीहरु (रकम रुपैयाँमा)

बढी गुुमाउने पाँच कम्पनीहरु (रकम रुपैयाँमा)

बढी रकम कारोवार गर्ने पाँच कम्पनीहरु (रकम रुपैयाँमा)